Laboratorio de Movementos

A DANZA SEN LINDES

2012-02-04T20:44:00.001+01:00

Dende o MOV-S 2012 - un proceso colaborativoque culminará nun encontro iberoamericano arredor da danza, as artes domovemento e a creación contemporánea en Cádiz o vindeiro xuño - lanzan a pregunta: ¿Que é danza?, ¿De que falamoscando falamos de danza?.

Mais ¿Como abordar esta cuestión poliédricae aínda controvertida? Podemos ampararnos no pensamento múltiple queinclúe diversas formas de indefinición. Dende aí podemos repensar a danza;dende a negación dos lindes inflexibles, dende o centro móbil e múltipledesprazándonos ata as fronteiras mutantes do que hoxe é arte e pensamento.

Podemos intentalo, falar da danzaexpandida, repensada, híbrida, libre de implícitos unificadores que nesgan osmatices. A danza conectada co social, co poético, co científico, coadiversidade na tradición e na vangarda. A danza que improvisa mentres avanza. Adanza dos precursores e dos novos clásicos; a nova danza e a non danza, a danzada crise, a que expresa que sucede neste mesmo intre. A danza integrada, abstracta,posmoderna; a danza teatro, a performática, a danza que renova ós clásicos, adanza tradicional, a académica que teme e nesga a inexistencia de fronteiras. Adanza que amplía os seus límites, a que reforza un centro, sempre múltiple e enconstante movemento.

A que non entende de simplificacións entre Norte e Sur, nin de definicións, a que propón códigos pechados ou abertos, adanza somerxida, a dixital, o cinedanza, a videodanza, a ciberdanza. A danzapobre e tecnolóxica que compoñemos no presente. A danza que xurdirá disteproceso de desprogramación, diste case punto cero, a danza que está a contar adesaparición dun Estado de benestar só europeo.

A danza de resistencia dos territorios esquecidos,que son a maioría. A danza autista, a danza dos grandes centros icónicos, a danzaurbana da rúa. A danza conectada, asociada, a danza que suma, que colabora eune. A danza imaxinada, a que non está documentada, a danza mítica dasesfinxes, a grega, a dos escravos, a da guerra, a dos solsticios e as vodas, adanza da Historia da danza – a dos grandes fitos-, a danza que está fora daHistoria. A periférica, a das pequenas comunidades sen Estado, a dos oprimidos,os desprazados, os emigrantes e tamén a danza libre, múltiple, consciente eexpandida: a danza sempre utópica do futuro.

A foto é de Bárbara Morgan.

FORSYTHE

2012-01-29T16:50:00.000+01:00

Solo (1997) é unha emblemática peza do xenial coreógrafo americano William Forsythe, renovador radical do vocabulario clásico contemporáneo. Cunha ampla traxectoria de colaboración cos ballets máis grandes do mundo; o seu estudio do espazo actualizando as teses de Laban, as atmosferas eléctricas e sombrizas e os movementos fragmentarios dun velocísimo virtuosismo percorren a investigación e a creación coreográfica que desenvolve agora coa súa compañía e que cambiou a forma de ver e facer clásico no final de século.

AREIA

2012-01-22T16:38:00.000+01:00

Areia é o novo espectáculo que a compañía portuguesa Circolando estreou este xaneiro no Teatro Virginia (Torres Novas). Neste vídeo atopamos as imaxes dun work in progress inserido nun deserto interior e aberto á reflexión sobre os diversos estadios do tempo, a desertificación e a morte.

Neste intres Circolando está a crear Arraial, un ambicioso proxecto de traballo coa comunidade arredor das festas populares das rexións do Minho e do antigo Douro Litoral, apoiado nun excepcional proceso de recollida e documentación que podedes visitar na súa web.

O CISNE

2012-01-14T20:52:00.000+01:00

Swan é unha experiencia ornitocoreográfica, un diálogo entre cisnes e bailaríns produto dun longo proceso de recoñecemento como podemos ver neste making of da compañía de Luc Petton.

¿Es raro que cisne quiera decir sonido?

En dioses y poder, y heridas he pensado.

Pero aquí en extraña paz éste ha callado.

Todo el día se matuvieron a raya los perros que ladraban.

Mejor que perros, un solo cisne,

alejará esas malignas fuerzas según dicen

y así guardar la calma, hacer de la laguna un lago-

suene por la arboleda silenciosa una crecida

quebrada resonante, despertando la mente sacudida.

O poema homónimo é de Robert Creeley

TALLER DE VOZ CON MÓNICA DE NUT

2012-01-07T19:10:00.002+01:00

Tallerpráctico para cantantes, actores e afeccionados sen coñecemento técnico previo.Exercitaremos as técnicas que presentaremos na súa maioría en grupo:vocalizacións, xogos vocais, cancións de varios estilos musicais a coro,experimentación… gozando do noso propio son e sacándolle o máximo partido.

Os obxectivos do Taller de Voz son:

- Coñecer e desenvolver asposibilidades vocais persoais.

- Evitar problemasrelacionados coa voz e o seu uso.

- Obter o mellor rendementovocal co menor esforzo.

- Coñecer e exercitar astécnicas de relaxación e respiración adecuadas para a fonación con concienciacorporal.

- Dotar de firmeza,alcance, flexibilidade e naturalidade á voz .

- Análise das cualidades doson vocal para conseguir a máxima gama de matices: volume, entoación, duración,ritmo, velocidade… aproximando a voz falada ó canto e viceversa.

- Descubrir formas deexpresar coa voz a emoción e o propósito do discurso.

- Cantar cancións comosolista e a coro propostas no cursos e polo alumnado.

Todosos mércores de 20.30 á 22h dende febreiro.
Prezo: 35€/mes.

Omércores 25 de xaneiro celebraremos unha clase aberta a todos os interesados.

Máisinfo no 659.888.709 e no laboratoriodemovementos@yahoo.es

Mónica de Nut canta ópera, jazz, música de raíz, música experimental… Tenexperiencia na interpretación teatral e na expresión corporal. Estudiou piano epedagoxía musical diplomándose na Universidade de Vigo. Formouse no cantolírico licenciándose na Escola Superior de canto de Madrid na especialidade deTeatro Lírico, no canto tradicional en varias agrupacións e no jazz na escolaEstudio de Compostela e no S.P.J. de Pontevedra.

Ademáisde cantar en varias agrupacións como Isga Collective, o dúo Litanei,pandeireteiras A Buxaina… lanzou un primeiro disco de Mónica de Nut trío, conPaco Dicenta ó baixo e bases eléctrónicas e Virxilio da Silva á guitarra.

Participoutamén en montaxes operísticas e de teatro musical; incluída a interpretación deJenny na Ópera dos tres reás de Bertolt Brecht e Kurt Weill dirixida por QuicoCadaval e protagonizada por Luís Tosar.

TALLER DE DANZA 'ESPAZOS DISPOÑIBLES-TRAXECTORIAS IRREVERSIBLES' CON MÓNICA GARCÍA

2011-12-21T11:26:00.002+01:00

“Propoño un traballo de adestramento físico que sitúe o corpo en posición de acoller diferentes posibilidades de movemento. Despois, traballando dende a diversificación da atención que propicia a simultaneidade entre repetición de estímulos e produción de materiais, xeraranse construcións coreográficas transitorias que representan os estados, as velocidades e as dinámicas do corpo. Estas construcións articularanse a través do emprego de distintas ferramentas que manexaremos ó longo deste curso. O obxectivo é atopar dende o contexto proposto unha maneira subxectiva de entender e xerar o movemento.”

Os bloques temáticos básicos sobre os que traballaremos:

- adestramento físico.

- alineación e espazos do corpo.

- xeración de construcións coreográficas transitorias

Dende o 3 de xaneiro todos os martes e xoves
de 18.45 á 20.15 e de 20.30 á 22h.

Mensualidade de 65 euros.

Info e matrícula no 659.888.709

Mónica García. Coreógrafa e bailarina, compaxina o seu traballo de intérprete coa dirección dos seus traballos propios i en colaboración. Traballou con Catherine Diverrés para o CCNRB en Francia, con Ana Vallés para Materile Teatro e o Teatro de la Abadía, tamén no Staatstheather de Damstadt (Alemaña), nas compañías 10&10 Danza e Provisional Danza entre outros.
Artista colaboradora En Residencia, un proxecto de Marc Rees para o Teatro La Laboral de Xixón e Chaptes Arts Center de Cardiff, e de "Babilonia I" de Carlos Fernandez para o Matadero de Madrid.
Traballou como coreógrafa para o Centro Dramático Nacional e para o Centro Dramático Galego. Premio do xurado ó coreógrafo no XVIII Certamen Coreográfico de Madrid; as súas pezas presentáronse en distintos festivais e teatros en España, Holanda, Gales e Portugal.
Os seus derradeiros traballos son "La velocidad de las cosas", estrea na Sala Nasa e "Nielheim", colaboración co cuarteto de corda vigués Suelen Estar Quartet estreado na Sala Ensalle de Vigo. Podedes visitar a súa web.

TRES COREÓGRAFAS

2011-11-30T12:09:00.005+01:00

Tres discursos coreográficos esenciais para descubrir a escena contemporánea europea: a danza-teatro de Pina Bausch (1940-2009), a poética visual de Carolyn Carlson (1943) e o minimalismo matemático de Anne Theresa de Keersmaeker (1960).

A producción destas tres mulleres marcou a danza de fin de século. Elas son imprescindibles para entender o actual panorama das artes do movemento.

POOR TWIRLITA...

2011-11-20T11:45:00.005+01:00

Pobre Twirlita, todo o que quería era parar de bailar.

da bitácora de Lynda Barry

OLGA MESA

2011-11-13T21:03:00.006+01:00

El lamento de Blancanieves é a derradeira peza-película de Olga Mesa. Esta coreógrafa asturiana investiga o universo do corpo-palabra-imaxe dunha forma inconfundible onde a discontinuidade temporal, o pensamento do corpo, as referencias literarias e cinéfilas, a documentación do proceso en directo, os espazos abandonados e a palabra concentrada son diferenciais continuos do seu traballo.

Este derradeiro verán presentou o primeiro capítulo no festival Citemor (Coimbra, Portugal). Arredor desta residencia recollemos tres vídeos documentais onde a propia Olga Mesa explica a súa proposta, vemos unhas imaxes dos ensaios e por último atopamos as imaxes da representación de El lamento de Blancanienes que ten como obxetivo espertar unha alerta máxima na mirada do espectador.

POLINA

2011-11-12T11:32:00.008+01:00

A formación dunha bailarina clásica recollida nesta BD de Bastien Vivès (Diablo Ediciones, 2011). O sacrificio continuo, a dor, a repetición do movemento, a súa enerxía, a estética aérea e controlada do ballet, as novas ideas contemporáneas, a viaxe cara o descoñecido, a importancia dos mestres e a superación do que nos transmiten. Todo isto e moito máis nesta historia para todos os públicos, cun interese moi especial para os afeccionados á danza.

BARBARA MORGAN

2011-10-29T20:19:00.003+02:00

Nesta imaxe da bailarina e coreógrafa Martha Graham, Barbara Morgan recolle a excepcional busca da modern dance norteamericana, un fenómeno que revolucionou para sempre a danza escénica. Neste flickr atoparedes máis de cen fotos da artista visual que mellor documentou a esencia do pensamento do corpo nesta época dourada.

CURSO DE KIN-JO

2011-10-02T09:34:00.010+02:00

O Kin-Jo é un arte marcial moderno que provén das tradicións milenarias. Permítenos dinamizar o corpo e equilibrar o noso interior. KIN-JO significa "Fonte Universal do Movemento" e amósanos a posibilidade de rexenerarnos e acadar a plenitude na vida cotián.

As katas empregadas sometéronse a probas por enerxéticos, médicos acupuntores e mestres de artes marciais. O Kin-Jo é accesible a todos e a todas as idades e asocia dinamismo e axilidade. Iste arte moderno ofrece unha nova vía orixinal, precisa, estructurada i eficaz que permite a expresión da beleza das nosas capacidades.

Imparte Olivia Aguilar. Traballa como quiromasaxista dende 1996. Especializada en diferentes técnicas de masaxe, linfoterapia, enerxética e naturopatía integrativa; é transmisora oficial de Kin-Jo dende o 2006. Impartiu cursos de Kin-Jo en España e Francia e colabora en cursos de Naturopatía integrativa en España e Portugal.

Martes e Xoves de 15.30 á 16.30h

1 día á semana/25 euros

2 días á semana/40 euros

clase solta/12 euros

Máis información e matrícula no 659.888.709

NOVO HORARIO DO CURSO DE DANZA CON MÓNICA GARCÍA: ESTADOS DISPOÑIBLES - TRAXECTORIAS IRREVERSIBLES (I)

2011-10-01T12:15:00.006+02:00

A bailarina Mónica García impartirá tamén os mércores e xoves a súa proposta formativa:

Os bloques temáticos básicos sobre os que traballaremos:

- adestramento físico.

- alineación e espazos do corpo.

- xeración de construcións coreográficas transitorias

Os mércores de 20.30 á 22:00 e os xoves de 18.30 á 20.00 de outubro á decembro.

Comeza o día 5 de outubro.

Mínimo 6 prazas e máximo 10 para a apertura do curso.

Mensualidade: 65 euros

Mónica García é titulada en Coreografía e técnicas de interpretación da Danza polo Real Conservatorio Profesional de Danza de Madrid , ademais de Especialista en “Cambios na Cultura e na Sociedade, novas tecnoloxías, novas industrias e novos usos” pola UOC-LABoral. Bailou con Catherine Diverrés para o CCNRB en Francia, no Staatstheather de Damstadt en Alemaña, nas compañías 10&10 e Provisional Danza entre outras. Foi asistente coreográfica en "Das haus of Bernarda Alba" dirixida por Mei Hong Lin para o Staatstheather de Darmstadt e foi profesora de danza para dita compañía. Podedes visitala na súa nova web.

DANZA ORIENTAL

2011-09-30T09:13:00.007+02:00

imparte Mariana Vieira

O raqs sharqui ou danza oriental inicialmente foi unha danza ritual de agradecemento á terra e ó corpo femenino. Dende Exipto extendeuse polos paises árabes provocando unha ampla diversidade folclórica.

Neste curso regular centrarémonos no ballet e no folclore exipcio descubrindo varios instrumentos como o veo, snujs (címbalos), bastón e dabke e as danza específicas do folclore exipcio.

A danza oriental implica todas as zonas do corpo, concéntrase no abdomen e na columna vertebral. Tamén traballa internamente todos os músculos, os órganos internos e moi específicamente o ventre.

O raqs sharqui ou danza oriental é unha aventura de coñecemento do propio corpo femenino e do seu potencial.

Clase de proba o venres 7 de outubro

Todos os venres de 18.30 á 20.00h

10 prazas/mensualidade: 35 euros.

Mariana Vieira impartirá un taller intensivo de danza árabe dentro do Festival de Cine Euroárabe Amal a finais de outubro. Podedes atopar máis información sobre esta actividade na súa web.

MÓNICA GARCÍA (SOBREEXPOSTAS: A DANZA GALEGA ACTUAL)

2011-09-26T19:52:00.005+02:00

¿Cuándo y dónde comenzaste a bailar?

M.G. No recuerdo el momento exacto en el que empecé. Bailar forma parte de lo que haces desde que eres niño pero puedo decir que empecé a ser más consciente en las clases de ballet en el colegio. Allí el ballet formaba parte del currículo. Luego simplemente seguí con ello en la Escuela de Artes y Oficios de Avilés y en la academia de Catherine Rezard y empecé a examinarme en el conservatorio. De ahí me fui a Madrid a la escuela de Carmen Roche donde además de seguir con la carrera de ballet, empecé a encontrarme con la danza contemporánea.

¿Sobre qué material y cómo bailas en tu última pieza?

M.G. En mi última pieza ‘la Velocidad de las Cosas’ trabajo sobre la idea de producir efecto, de afectarse y afectar a y para ello utilizo el cuerpo, el movimiento y el sonido.

Roland Barthes en ‘Fragmentos de un discurso amoroso’ habla sobre el lugar que ocupa la sentimentalidad en la modernidad, atribuyéndole la 'obscenidad del amor' y cómo el sujeto amoroso ha de asumir esta sentimentalidad y el lugar donde lo sitúa. Basándome en el cuestionamiento de esta sentimentalidad, su confrontación con lo que entiendo que provoca y el conflicto que se genera de ahí, presento La Velocidad de las Cosas como una auto-enunciación y utilizo la escena como dispositivo de confesión.

La danza comienza cuando pongo en relación los estímulos externos e internos. Se trata de actualizar la memoria cada vez, los elementos aprendidos conviven y se afectan por el momento presente y viceversa. No existe una coreografía escrita sino que las secuencias de movimiento se articulan dentro de una estructura más o menos flexible por la que transito. Los materiales concretos los entiendo en este caso como secuencias que comienzan y terminan sin que el desarrollo de una lleve necesariamente a la otra aunque todas son parte de lo mismo. Podría decir que en la pieza hay cinco escenas y cada una es el ejercicio y el resultado de algo. Los textos de las canciones que utilizo le dan un sentido a las escenas y enmarcan la pieza.

¿Cuáles son tus referentes artísticos?

M.G. No tengo ningún referente concreto pero si que hay gente y trabajos que de alguna manera me han impresionado, como la primera vez que vi en escena a Hisako Horikawa hace algunos años en Pradillo o en la última edición del Mes de la Danza de Sevilla a Israel Galván. Me interesan tanto los trabajos que son intuitivos y emocionales como las piezas que se basan en parámetros más teóricos y racionales siempre que sean trabajos comprometidos.

¿Cómo crees que evoluciona hoy la danza?

M.G. La danza, como el resto de las artes, debería evolucionar a tenor de la situación social y política en la que se genera. La época actual creo que nos está posicionando en un lugar de cuestionamiento. Creo que hay alguna gente que se hace muchas preguntas y la danza evoluciona gracias a ello.

¿Cómo valoras la situación de la cultura gallega en general y de la danza en particular?

M.G. Llevo poco tiempo en Galicia y no tengo toda la información que necesitaría para hacer una valoración rigurosa pero hasta donde conozco y desde que tengo contacto con la cultura y las artes escénicas aquí, se han cerrado la Sala Galán, la Sala Nasa y ha desaparecido el Festival En Pe de Pedra. Esto en parte es la muestra de que el modelo actual de gestión de las políticas culturales está obsoleto y de momento no parece que haya visos de renovación. No son los 'contenedores' los que generan el contenido sino las personas que los habitan. La precarización del sector cultural es evidente y la repercusión de esto ya se está haciendo notar. La gente que tiene ideas, y me consta que en Galicia la hay, no tiene apoyo porque existe falta de interés real por parte de las administraciones públicas que son en definitiva las que deben procurar que el dinero público repercuta de manera positiva en la ciudadanía. Lo que cada uno entiende por 'positivo' es una de las cosas que habría que analizar. Par mí todo se basa en una falta de responsabilidad y de compromiso auténtico sobre todo, de la gente que gestiona el dinero público.

¿Cómo crees que se debería organizar un trabajo en red que fortaleciese la colaboración entre los actores culturales? ¿Propones alguna acción concreta?

M.G. Creo en el encuentro y las sinérgias que pueden surgir de él por tanto pienso que se deberían de generar contextos que lo favorezcan y propuestas que vayan en ese sentido. Este encuentro debería de ser productivo y no solamente quedarse en el desarrollo de discurso. Habría que utilizar las bases teóricas que se están generando desde hace algún tiempo para accionar y que esto trascienda de manera que las políticas se vean afectadas y se empiecen a cambiar los paradigmas actuales. Esto involucra tanto a creadores como a público, políticos, teóricos, programadores y gestores de salas y espacios expositivos. El cambio tendría que pasar por el auto-cuestionamiento de los roles y de las actuaciones de cada sector y a partir de ahí generar nuevos modelos de acción, flexibles y en constante revisión. Los modelos actuales, como ya dije, creo que están obsoletos.

¿Cuáles son los mecanismo de producción y distribución para lograr movilidad en tu trabajo?

M.G. Mi trabajo se basa en la autoproducción y la autopromoción y todo lo que eso implica.

¿Donde creaste y bailaste tus últimas piezas?

M.G. Las dos últimas piezas las he producido y estrenado en Galicia. Las anteriores en Madrid.

¿Podrías señalar algún evento, espacio o programación que esté ampliando hoy las fronteras de la danza?

M.G. Creo que existen varias iniciativas que están generando espacios de diálogo en varios sentidos, intentando de alguna manera 'practicar la teoria'. Las fronteras de la danza creo que están bastante agujereadas desde hace tiempo y en este sentido en Barcelona y Madrid se generan contextos desde La Porta o el Matadero que se mueven en esos terrenos y seguro que hay más. Me parece interesante a priori la propuesta del Festival MAPA 2011, que propone la generación de trabajos in situ a partir de la reflexión sobre la relación entre las estructuras de poder y la población o sobre el concepto de 'acontecimiento artístico'...

¿Qué aconsejarías a un espectador para iniciarlo en la danza que se programa actualmente?

M.G. No se si le daría un consejo pero si le sugeriría que adopte un rol productivo, esto es, que entienda cuál es su potencial como público y se responsabilice de su papel. Tenemos que quitarnos de encima esa idea del consumidor pasivo y empezar a asumir nuestro potencial como cocreadores de lo que sucede en general a nuestro alrededor. Con respecto a la danza exactamente lo mismo.

Mónica García é titulada en Coreografía e técnicas de interpretación da Danza polo Real Conservatorio Profesional de Danza de Madrid , ademais de Especialista en “Cambios na Cultura e na Sociedade, novas tecnoloxías, novas industrias e novos usos” pola UOC-LABoral. Bailou con Catherine Diverrés para o CCNRB en Francia, no Staatstheather de Damstadt en Alemaña, nas compañías 10&10 e Provisional Danza entre outras. Foi asistente coreográfica en "Das haus of Bernarda Alba" dirixida por Mei Hong Lin para o Staatstheather de Darmstadt e foi profesora de danza para dita compañía. Podedes ver unha mostra da súa derradeira peza "La velocidad de las cosas" neste vídeo e coñecer a súa web.

LORCA

2011-09-18T14:11:00.006+02:00

debuxo de Blutch

máis unhas imaxes do espectáculo de Eva Yerbabuena sobre Lorca, unha mirada da bailarina sobre os lugares e os móbiles creativos da persoalidade do poeta.

NOVOS CURSOS

2011-09-02T10:54:00.010+02:00

COMEZAMOS O 27 DE SETEMBRO! ABERTA A INSCRICIÓN NO 659.888.709

UXÍA P. VAELLO (SOBREEXPOSTAS: A DANZA GALEGA ACTUAL)

2011-08-31T14:01:00.005+02:00

¿Cando e onde comezaches a bailar?

U. V. Comecei a bailar de nena, no típico grupo de baile galego, onde por certo,daba clase unha señora andaluza... Cando tiña 11 anos, abriu a primeira escola de ballet en Vilagarcía. Colocaron o cartel ó lado da miña casa e fun a primeira alumna inscrita nesa escola.

Cando cheguei a Santiago, entrei en contacto coa danza moderna e contemporánea a través do Espazo de Danza da Universidade e das actividades do xa desaparecido Teatro Galán, onde coñecín outros xéneros como o butoh e a danza-teatro.

¿Sobre que material e como bailas na túa derradeira peza?

U.V. Non bailo na miña última peza. É un solo que eu dirixín e que Borja Fernández, actor e músico, interpreta. Isto ten que ver co meu gosto polos bailaríns-actores ou actores-bailaríns. Interésanme os xéneros híbridos e os intérpretes que integran máis dun método no seu traballo. Non acostumo traballar con bailaríns que só bailan.

Ese traballo, "Rewind. Fantasías en 1987", parte das memorias do pasado do intérprete e a partir delas e a súa manipulación camiña cara á construción dunha personaxe de ficción e unha fantasía ou espellismo en escena. Traballamos tamén sobre referencias como o western e a vida do vaqueiro.

¿Cales son os teus referentes artísticos?

U.V. Creo que unha mestura de todo aquel espectáculo, película ou obra de arte que vexo e me impacta. Non creo que se poidan recoñecer no meu traballo similitudes con estes referentes. Impactáronme espectáculos de danza, teatro e circo de Pina Bausch, de Anne Teresa de Keersmaeker, de Alain Platel, de Alain Buffard, de Zimmerman&De Perrot, Pippo Delbono, o grupo portugués Teatro Praga e, sobre todo a "Trilogia Flatland" de Patricia Portela.

Creo que son referentes máis directos aqueles artistas cos que te formas. No meu caso Guillermo Weickert, Jean Paul Bucchieri ou Anton Skrzypiciel foron ídolos, e despois pasaron a ser profesores dos que aprendín algúns dos métodos que uso na creación.

¿Como crees que hoxe evoluciona a danza?

U.V. Creo que hai dúas vías. Por unha parte os xéneros hibridos comezan a tomar formas novas, que en pouco tempo poderán recibir definicións e "nome". Dentro desta vía paréceme interesante algunhas tendencias ó social, á integración da realidade en palco; creo que esta vía ten a súa orixe no aparecemento do "corpo social" do bailarín en palco (véxase Pina Bausch) pero o avance cara ó hiperrealismo, á integración da sociedade no espectáculos, abre unha nova porta moi beneficiosa para a danza.

Por outra parte, hai unha volta ó antigo, ó clásico, neoclásico e clásico contemporáneo. Paréceme interesante como público pola súa calidade "museística", pero creo que devolve á danza a un estadio anterior de hermetismo, isolamento e falta de conexión coa sociedade.

¿Como valoras a situación da cultura galega en xeral e a da danza en particular?

U.V. Aínda que existe un bó número de artistas con moito que dicir, experimentar, con grande forza creativa e unha renovación xeracional nas súas mans, creo que a cultura en Galicia está nunha situación absurdamente vulnerable ó sistema político, a certas institucións e a un mercado "estraño"

A nivel de danza, a situación paréceme dramática precisamente por causa deste sistema da cultura galega en xeral. É sospeitoso facer danza contemporánea. A todos os niveis competimos co teatro, sendo áreas completamente diferentes. Algúns de nos sobrevivimos gracias a compañías de teatro abertas á contemporaneidade, que ó mesmo tempo son outra minoría e están obrigadas sen conseguilo, a competir no mercado con aquelas "históricas".

Finalmente, a actual inactividade e falta de interese polos creadores profesionais galegos por parte do Centro Coreográfico Galego, fai con que non exista ningunha institución pública que invirta algúns cartos -non de forma "anecdótica"- , de forma transparente, na danza. Existe un orzamento para a danza de Galicia (o Centro Coreográfico, neste ano de crisis, dispoñía de 400.000€ ) pero non existe un proxecto forte e claro onde se estea a invertir.

Desde as institucións públicas, as compañías de danza non son apoiadas porque non teñen unha distribución potente, pero a compañía "pública" vendeu desde a estrea do seu último espectáculo "Tres de tres"en xuño, 5 bolos en cinco meses. É un mal exemplo.

A desaparición da sala Nasa, único centro que programaba danza con normalidade na "capital cultural" de Galicia, Santiago, é outro dos alicerces dos creadores e público da danza que desaparece.

Dramático.

¿ Como crees que se debería artellar un traballo en rede que fortalecese a colaboración entre os actores culturais? ¿Propós algunha acción concreta?

U.V. Quizais comezar por un traballo de investigación do que existe agora mesmo en Galicia (artistas, obras, institucións, xéneros que se abordan, etc.). Creación de unha base de datos ben organizada e accesible, para poder xerar "encontros". O formato dos encontros é o que podería repensarse, sería un traballo de investigación paralelo, dos medios con que contamos para colaborar.

Quizais este traballo non debería ser organizado e realizado polos artistas, senón que habería que tirar de profesionais de outras áreas, expertos na análise de grupos sociais, profesionais, de dinamización...

Non sei, depende un pouco do tipo de colaboración que se busque.

¿Cales son os mecanismos de produción e distribución para lograr a mobilidade do teu traballo? ¿Onde creaches e bailaches as túas derradeiras pezas?

U.V. Creei sempre a base de residencias, fora e dentro de Galicia. Foron case todas conseguidas por presentación de proxectos en convocatorias públicas. Fixen residencias do CCG, do CDG, no Centro de Artes de Sevilla, no Assas de Palco en Guimaraes, en Vo'Arte e Centro Cultural de Belém en Lisboa. A veces foron conseguidas gracias á colaboración con artistas de outros lugares. Resulta moi positivo cando a convocatoria de residencia inclúe a programación da peza no propio espazo, ou cando impulsa a súa programación en outros espazos, como facía antes o Centro Coreográfico Galego.

Presentei as miñas pezas en centros de artes como o Centro Cultural de Belém, o de Sevilla e o de Sines, en salas alternativas como Nasa e Ensalle en Galicia ou DT en Madrid, en festivais como BCSTX, Escena Contemporánea, Mov-s Galicia, Alt de Vigo, Festival de Solos da Malaposta, En Pé de Pedra, etc.

¿Podes apuntar algún evento, espazo e/ou programación que estea a ampliar ás fronteiras da danza na actualidade?

U.V. O teatro María Matos en Lisboa está a realizar unha programación contemporánea arriscada e abundante que inclúe danza.

Parece que este ano se xenerou polémica no Festival de Avignon, porque un 40% da programación era de danza.

¿Que lle aconsellarías a un espectador para inicialo na danza que se programa actualmente?

U.V. Sei que é a vía máis difícil, pero aconsellaría que viaxe fora de Galicia e tente ver os clásicos contemporáneos, que son moitos e nunca tivemos oportunidade de velos aquí. Porto e Guimaraes costuman programar este tipo de espectáculos e coreógrafos e están relativamente cerca de Galicia.

Uxía P. Vaello (Vilagarcía de Arousa, 1978), fórmase en Historia da Arte na Universidade de Santiago de Compostela e en danza na Escola Superior de Danza de Lisboa. Estudou técnicas de danza e composición e outras disciplinas con mestres como Rui Horta, Margarida Bettencout, Anabelle Bonnéry, Angelique Willkie, Guillermo Weickert, Francisco Camacho, Jean Paul Bucchieri, Anton Skrzypiciel, Janusz Subicsz, Andrés Corchero, Roberto Fratini,etc. Desde 2007 trabalha en Galicia nos seus proxectos de creación, a solo: "Arder nun Hotel" ou en colaboración con outros artistas "Play", "Rewind. Fantasías en 1987", con Borja Fernández e "Assemblage" con Laura Lizcano. Impartiu clases de danza no Espazo de Danza da USC, para o cal coreografou a peza "Cun par de tacóns!". Ten participado como voluntaria en performances de Vera Mantero, Meg Stuart e Zangh Huan, entre outros. Colabora como intérprete ou coreógrafa con compañías galegas como Voadora, A Artística, Pistacatro ou Centro Dramático Galego. Formou parte do proxecto Skite/Sweet&Tender Porto 2008 e ás súas pezas foron presentadas en festivais e espazos como Festival Escena Contemporánea (Madrid) , Festival BCSTX (Barcelona), Festival En Pé de Pedra (Santiago), ou Box Nova (CCB, Lisboa), entre outros.

INICIACIÓN Ó COMPÁS E Ó BAILE FLAMENCO

2011-08-25T12:17:00.004+02:00

O flamenco é unha modalidade de baile na que os movementos de pés, mans e brazos son moi precisos aínda que os bailaores e bailaoras improvisen dentro dunha estrutura. Neste curso regular acercarémonos a este estilo pouco a pouco, partindo do sentimento que esta música nos provoca e tentando descubrir o noso "duende". Contactaremos cos diferentes “palos” e traballaremos o compás, a colocación, a coordinación de brazos e pernas e a técnica de pés.

Imparte: Aranzta Villar é actriz e traballa habitualmente coas compañías Nut Teatro e Chévere Producións. Realizou formación regular de baile flamenco na Escola de Danza El Taller a cargo da bailaora Beatriz Gamborino e recibiu varios cursos intensivos cos bailaores sevillanos Carlos Robles e Marco Vargas.

Horario: Todos os luns de 18:30-20:00

Prezo mensual: 35€. 10 prazas

Comezo 3 de outubro

STREET DANCE DENDE OUTUBRO

2011-08-18T11:38:00.013+02:00

Dende o barrio do Bronx chega o Street Dance, unha fusión do hip hop co funky, do krumping e o locking; unha iniciativa para os máis novos que interesados polos bailes urbanos queran potenciar a creatividade, o estilo, a coordinación sempre dende a imaxinación.

Todos os martes e xoves de 18.30 á 20.00 dende o 4 de outubro.

Mensualidades de 45 euros de outubro á xuño.

Alumn@s dende os 12 anos. 10 prazas por orde de matrícula no 659.888.709

Imparte as clases Alo Fernández con formación en danza clásica, bailes de salón e hip hop. A súa proposta inspírase nos bailes actuais e na recuperación dos movementos do hip hop; aposta tamén por unha renovación de estilos dende a imaxinación. A súa aposta musical abrangue dende o Rap Old School de Notorius Big ou Tupac ata ritmos actuais como Jessie J., Ciara, Missy Eliot, La Mala Rodriguez e Shyla.

CURSO DE TÉCNICA VOCAL CANTADA E FALADA CON MÓNICA DE NUT

2011-08-09T11:27:00.016+02:00

A proposta de curso que nos achega Mónica de Nut

para o 15 e o 16 de outubro:

OBXECTIVOS:

- Coñecer e desenvolver as posibilidades vocais personais.

- Evitar problemas relacionados coa voz e o seu uso.

- Obter o mellor rendimento vocal co menor esforzo.

- Coñecer e exercitar as técnicas de relajación e respiración adecuadas para a fonación con conciencia corporal.

- Dotar de firmeza, alcance, flexibilidad e naturalidade á voz .

- Análise das cualidades do son vocal para conseguir a máxima gama de matices: volume, entoación, duración, ritmo, velocidade… aproximando a voz falada ó canto e viceversa.

- Descubrir formas de expresar coa voz a emoción e o propósito do discurso.

- Cantar cancións como solista e a coro propostas no cursos e polo alumnado.

METODOLOXÍA:

Curso práctico no que os/as participantes exercitan as técnicas que se van presentando na súa maoría en grupo. Comprobarán a súa utilidade con exercicios corporais de respiración e movemento, con outros de descubrimento e traballo das cualidades vocais e comunicativas. Atenderase especialmente a coordinación da linguaxe corporal e vocal sen obstaculizarse; enriquecéndose e completándose entre sí na fala e no canto.

PROGRAMACIÓN E CONTIDOS:

SÁBADO 15 de outubro:

1ª sesión: Sábado de 10:00h á 12:30h.

Presentación

Quecemento corporal e respiración para a fala e o canto I

Vocalización para a fala e o canto I

2ª sesión: Sábado de 12:30h á 14:00h.

Traballo de canción a varias voces (entoación, rexistro, dicción, empaste, dinámica… no canto)

3ª sesión: Sábado de 16:00h á 18:00h.

Quecemento corporal e respiración aplicada ó canto II

Vocalización aplicada ó canto II

Comentario dos apuntes de técnica vocal facilitados

4ª sesión: Sábado de 18:00h á 20:00h.

Traballo de cancións para solista con acompañamento instrumental gravado

(entoación, rexistro, dicción, empaste, dinámica… no canto)

DOMINGO 16 de outubro:

5ª sesión: Domingo de 10:00h á 12:00h.

Quecemento corporal e respiración aplicada ó canto III

Vocalización aplicada ó canto III

Resposta a preguntas dos apuntes facilitados

6ª sesión: Domingo de 12:00h á 14:00h

Traballo doutra canción a varias voces (entoación, rexistro, dicción, empaste, dinámica… no canto)

Repaso e perfeccionamento da primeira canción

7ª sesión: Domingo de 16:00h á 18:00h

Equilibrio do espacio sonoro: planos, empaste, efectos coa voz entoada

Traballo de cancións para solista con acompañamento instrumental gravado

(entoación, rexistro, dicción, empaste, dinámica… no canto)

8ª sesión: Domingo de 18:00h á 20:00h

Traballo co material musical ou teatral que o alumnado estea a traballar persoalmente

Mónica de Nut canta ópera, jazz, música de raíz, música experimental… ten experiencia na interpretación teatral e na expresión corporal. Estudiou piano e pedagoxía musical diplomándose na Universidade de Vigo. Formouse no canto lírico licenciándose na Escola Superior de canto de Madrid na especialidade de Teatro Lírico, no canto tradicional en varias agrupacións e no jazz na escola Estudio de Compostela e no S.P.J. de Pontevedra.

Ademáis de cantar en varias agrupacións como Isga Collective, o duo Litanei, pandeireteiras A Buxaina… lanzou un primeiro disco de Mónica de nut trío, con Paco Dicenta ó baixo e bases eléctrónicas e Virxilio da Silva á guitarra.

Participou tamén en montaxes operísticas e de teatro musical; incluída a interpretación de Jenny na Ópera dos tres reás de Bertolt Brecht e Kurt Weill dirixida por Quico Cadaval e protagonizada por Luis Tosar.

http://www.monicadenut.com/

http://www.myspace.com/monicadenut

Máximo 10 prazas por orde de matrícula no 659.888.709.
Prezo: 120 euros.

CURSO DE DANZA: ESTADOS DISPOÑIBLES – TRAXECTORIAS IRREVERSIBLES (I)

2011-08-08T17:26:00.004+02:00

A bailarina Mónica García impartirá un curso de danza no Laboratorio de Movementos de outubro a decembro coa seguinte proposta:

Os bloques temáticos básicos sobre os que traballaremos:

- adestramento físico.

- alineación e espazos do corpo.

- xeración de construcións coreográficas transitorias

Horario: Todos os martes e xoves de 20.30 á 22:00 de outubro á decembro.

Sesión aberta e gratuíta o martes 27 de setembro.

10 prazas por orde de matrícula no 659.888.709

Mensualidade: 65euros

AMPARO NOVAS (SOBREEXPOSTAS: A DANZA GALEGA ACTUAL)

2011-08-06T11:30:00.008+02:00

¿Cando e onde comezaches a bailar?

A.N. Comecei a formarme en danza clásica en Cangas de Morrazo con Maite Quiñones no ano 1986 (tiña eu dez anos) e a bailar de forma profesional no ano 1998 (con 22 anos) na Compañía de Danza do Noroeste en Viana do Castelo (Portugal) dirixida por Ruben Marks.

¿Sobre que material e como bailas na túa derradeira peza?

A.N. A miña última peza “Branco” xira arredor da cor branca; é un intento reflectir as distintas cualidades desta cor tanto a nivel cromático como a nivel sensitivo. Intento deixarme levar por todo o que me rodea, pola música pola compaña e explorar diferentes ideas.

¿Cales son os teus referentes artísticos?

A.N. Coreógrafos que me encantan e que son una fonte de inspiración para min son Mats Ek, Ohad Naharin, William Forsythe, Wim Vandekeybus ou Jiri Kilian. Durante a miña estancia en Barcelona tiven a sorte de poder ver algunhas pezas en directo e todos aportaron algo a miña forma de entender a danza.

¿Como crees que hoxe evoluciona a danza?

A.N. A danza penso que evoluciona na busca de novas fronteiras, esa busca de novas alternativas a que fai que cada vez se baile menos. En xeral creo que hai unha tendencia a deixar de bailar.

¿Como valoras a situación da cultura galega en xeral e a da danza en particular?

A.N. Desgraciadamente penso que a nosa cultura está demasiado vinculada a política en xeral e isto é un grave impedimento para desenvolver a nosa cultura libremente, e o mesmo coa danza.

¿Como crees que se debería artellar un traballo en rede que fortalecese a colaboración entre os actores culturais? ¿propós algunha acción concreta?

A.N. Penso que debería haber máis comunicación entre nós, dar a coñecer os nosos traballos e reflexionar un pouco sobre eles, escoitar a opinión dun actor da miña obra por exemplo e así con todo (mestura creativa). Creo que pode ser interesante e enriquecedor favorecendo a creación dun caldo de cultivo que seguro xerará máis cousas.

¿Cales son os mecanismos de produción e distribución para lograr a mobilidade do teu traballo? ¿Onde creaches e bailaches as túas derradeiras pezas?

A.N. Contar con un produtor e un distribuidor sempre que se poida.

A miña última peza “Branco”(2011), proxecto en residencia do CCG, foi feita entre o CCG e “La Fabrica” en Oleiros, sempre e cando estes espazos estiveran dispoñibles (cada vez é máis complicado ter un espazo de creación); e de momento só se bailou na estrea en Abril no Salón Teatro en Santiago.

Con “Algo se mueve dentro” (2008) foi a miña primeira peza como tal foi feita entre a CCG, o Centro Cívico la Barceloneta (Barcelona) e o Centro Cultural Villa de Nerja (Málaga). Esta peza producida por Cía Fernando Hurtado bailouse en diferentes festivais de Málaga, Asturias, Zaragoza, Barcelona, A Coruña, Lugo, Vigo e Santiago de Compostela.

¿Podes apuntar algún evento, espazo e/ou programación que estea a ampliar ás fronteiras da danza na actualidade?

A.N. Non estou segura.

¿Que lle aconsellarías a un espectador para inicialo na danza que se programa actualmente?

A.N. Que coñeza como evolucionou a danza desde as súas orixes ós nosos días, para elo recomendaríalle que lera o libro “Historia del ballet y de la danza moderna” de Ana Abad Carlés que, aínda que se centra máis que nada no ballet; é moi esclarecedor a hora de ter un esquema xeral da evolución da danza. Ademais que asista a ensaios abertos de compañías de danza para saber como traballan e en que consiste o seu día a día.

Amparo Novas licenciouse en Pedagoxía da danza polo Institut de Barcelona (Xuño 2010) e traballou en diferentes compañías como Cía Dansa do Noroeste (Portugal), Druida Danza (A Coruña), Cía Fernando Hurtado (Málaga), Centro Coreográfico Galego (A Coruña) e Sólodos (A Coruña).

Creadora de dúas pezas “Algo se mueve dentro”- que podedes ver neste link - (2008) e “Branco” (2011) é tamén profesora de danza contemporánea do Espazo de Danza da Universidade de Santiago de Compostela (EDU). O longo da súa traxectoria profesional tomou clase con recoñecidos coreógrafos como Thomas Noone, Guillermo Weickert, Angels Margarit, Mercedes Boronat, Bebeto Cidra, Janus Zubisc, Victor Ullate, Sol Picó e José Parés.

SOBREEXPOSTAS: A DANZA GALEGA ACTUAL

2011-08-03T19:42:00.013+02:00

Captar unha imaxe en movemento da danza galega actual é o obxectivo deste proxecto que nace da necesidade de visibilizar o traballo das nosas coreógrafas. Para conseguila construímos un cuestionario que enviamos a varias coreógrafas seleccionadas entre as máis activas e representativas da danza que se está a facer agora mesmo en Galicia. O obxectivo é que resposten diferentes cuestións arredor do seu traballo. Nas próximas entradas publicaremos as súas respostas por orde de chegada.

Entre elas hai galegas, unhas viven en Galicia e outras que residen fora, tamén artistas acollidas doutras comunidades como Madrid e países como Cuba. A diversidade de procedencia e a heteroxeneidade das súas propostas é unha constante deste fenómeno que xurdiu co traballo das salas alternativas nos anos 90 – hoxe pechadas- e reforzouse dende o ano 2004 durante a aplicación dunha política cultural autonómica anovadora e sensible ás demandas escénicas e ás novas metodoloxías de xestión cultural.

Isto logrou a emerxencia dunha xeración de coreógrafas cunha produción estable durante os últimos cinco anos da década 2000-2010 que hoxe mantense nun contexto desfavorable de fonda crise económica unida á continua redución de apoios públicos á cultura.

Con esta selección de artistas non pechamos a multiplicidade de achegas que hoxe conviven no eido da danza galega. O obxectivo de SOBREEXPOSTAS é visibilizar como bailan e como redefinen a danza na actual situación de crise as nosas coreógrafas.

imaxe de Esther Taboada

HIROAKI UMEDA

2011-07-23T11:15:00.009+02:00

No 2000 Hiroaki Umeda funda en Tokio a súa compañía S20 e inmediatamente xira polos festivais máis recoñecidos de Europa. Traballa a danza dentro da arte visual. El mesmo coreografía, baila e crea impresionantes deseños de luz e son para os seus solos que dende o minimalismo e a radicalidade combinan o sutil e o violento co obxetivo de crear impactantes experiencias no espectador. Déixovos un extracto do seu derradeiro traballo Holistic Strata.

BABEL

2011-07-08T16:30:00.008+02:00

Sidi Larbi, Damien Jalet e o escultor Antony Gormley firman conxuntamente Babel, un traballo hipnótico, simbólico, humorístico e violento que crearon para 18 bailaríns e músicos de 13 países na busca dunha linguaxe híbrida e un nexo común entre eles.

A unión a través da dualidade e dos contrarios: linguaxe/corpo, conflito/armonía, identidade/territorio. A convivencia no espazo da comunidade múltiple , a conflitividade e o símbolo da torre como alegoría amósannos - segundo Larbi - que "a fronteira non é mais que unha ilusión, unha pura convención escénica".

EA SOLA

2011-07-02T11:48:00.013+02:00

en Air lines

Ea Sola é unha coreógrafa vietnamita que presenta este ano na escena internacional Drought and Rain (Seca e Chuvia), Vol.2 , unha peza sobre a memoria da guerra con 11 mulleres que a viviron acompañadas de música tradicional e poesía recitada. A dor individual cinguidá á colectiva, os mortos, o custe da guerra na comunidade e no invividuo movilizan esta aclamada coreografía.
En 2001 creou para o Ballet da Ópera Nacional de Hanoi a primeira parte deste traballo e no ano 2008 coreografiou o solo Air lines (na imaxe) sobre a vida dos desprazados sen dereitos, sobre a pérdida da identidade asociada ó drama da emigración.

Ea Sola emigrou a Francia e chegou a danza por azar. Nos anos oitenta comezou a actuar cuns happeninngs sobre a memoria do corpo. Posteriormente creou pezas propias e colaborou con Min Tanaka e Roland Topor. Despois de 15 anos regresou á Vietnan e durante 5 investigou a danza tradicional do seu país. A través desta experiencia conectou coa memoria directa da guerra que é o tema recurrente e central na súa danza dende hai máis de unha década.

Despois do total recoñecemento no Festival de Nápoles, Drought and Rain Vol.2 viaxará os días 1, 2 e 3 de setembro ó Festival Internacional de Edimburgo.

PROXECTOS QUE APOIAMOS

2011-06-26T11:22:00.006+02:00

Durante o último ano dende o Laboratorio de Movementos apoiamos os seguintes proxectos: Area de descanso da compañía Gayo Pinheiro, Wir Frauen de Helen Bertles, La velocidad de las cosas de Mónica García e Aneis (na foto de Esther Taboada) de Branca Novoneyra. Ademais impartiron formación recoñecidos profesionais da escena como Kirenia Martínez, Berta Secall, Gonçalo Guerreiro, Marco González e Natalie Schaevers entre outros moitos.

O noso proxecto inmediato é a xestión de residencias de artistas para proxectos de pequeno formato asociada a unha programación de actividades didácticas e ensaios abertos. Esta liña de intervención cultural asociada ás artes do movemento contextualizase no barrio de San Pedro en Santiago de Compostela, un lugar onde a creación de sinerxias entre os axentes culturais e a cidadanía é unha realidade viva.

ALICIA HERRERO EN XULLO NO MACUF

2011-06-14T10:34:00.010+02:00

Midriasis/Cajas Habitadas do colectivo Las mitocondria

Alicia Herrero impartirá un curso no Macuf (Museo de Arte Contemporáneo de Unión Fenosa, A Coruña) titulado CARPE DIEM. Do luns 11 ó venres 15 de xullo entre as 10 ás 14 horas o traballo, baseado na súa ampla traxectoria como bailarina e coreógrafa, consistirá nunha clase técnica e nun taller de creación en cinco sesións orientado a profesionais e estudantes de nivel medio-alto das artes do movemento.

Alicia Herrero licenciouse en Coreografía no Conservatorio de Valencia e Diplomouse en Danza e Teatro na Universidade de Middlessex (Inglaterra). Traballou en diversas compañías británicas e internacionais e xirou por todo o mundo. As súas coreografías estreáronse en Reino Unido, España, Portugal, Xapón, Cuba, Italia e Singapur e tamén forma parte do colectivo Las Mitocondrias. Podedes vela neste vídeo e atoparedes máis información sobre o curso na páxina do Macuf

ANEIS

2011-06-13T18:09:00.002+02:00

DANZA CLÁSICA CON BERTA SECALL

2011-05-01T11:13:00.001+02:00

Luns, Martes e Xoves de 12.00 á 14.00 para estudiantes e profesionais das artes do movemento.

Berta Secall é Licenciada polo Conservatorio Superior de Danza “María Ávila” de Madrid na especialidade de Pedagoxía da Danza Clásica. Iniciou os seus estudos de danza clásica en el Institut del Teatre de Barcelona e no 1998 gañou unha bolsa para perfeccionarse no Centro Internacional de Danza de Madrid coa mestra Carmen Roche. Formouse tamén con Mirta Pla, Karemia Moreno, Rodolfo Castellanos, Orlando Salgado, Lázaro Carreño, Aurora Bosch, Jorge Christoff, Azari Plisetsky, María Blanco, Guillermina Coll, Gonzalo Zaragoza. Foi parte do elenco de la compañía del Ballet Carmen Roche e traballou con coreógrafos como Ramón Oller, Tony Fabre, Alessandra Panzavolta, Ángel Rodríguez, Pascal Touzeau, Gustavo Ramírez e Goyo

Montero.

Comenzamos o 2 de maio

Mesualidade: 90 euros

Matrícula no 659.888.709

AMPLIAMOS AS SESIÓNS CON MÓNICA GARCÍA

2011-04-12T12:13:00.006+02:00

Na segunda quincena de abril a bailarina Mónica García seguirá no Laboratorio cos ensaios de La velocidad de las cosas, proxecto de investigación coreográfica apoiado Centro Coreográfico Galego, que estreará a principios de xuño na Sala Nasa.
Os días 19 de 10.00 á 12.00 e o 27 e o 29 de abril de 10.00 á 11.00 abrirá as sesións de adestramento arredor dun traballo físico co que atopar material de movemento propio.

“Neste intre o que mostro como bailarina é consecuencia da miña experiencia na práctica escénica. Para min isto significa que efecto e exercicio son o mesmo…Parto de algo obvio: calquera acción que se repite, que responde a unha partitura escrita de principio a fin - sexa unha acción cotián ou escénica - é posible de mudar, de abrir ó presente no que sucede.”

Prezo das 4 sesións: 40 euros / 5 prazas / Info e inscripcións no 659.888.709

HORARIOS ABRIL

2011-04-04T18:26:00.004+02:00

foto de Esther Taboada

Danza clásica: Luns, martes e xoves de 15.15 á 17.00 con Berta Secall.
Tango: Luns de 20.30 á 22.00 con Marco González.
Danza contemporánea: Martes e xoves de 20.30 á 22.00 con Branca Novoneyra
Ioga: Mércores de 21.00 á 22.30 con Sagra Quintela
Danza oriental: Xoves e venres de 18.30 á 20.00 con Mariana Vieira

+ info sobre os nosos cursos regulares no laboratoriodemovementos@yahoo.es ou no 659.888.709

SESIÓNS EN ABRIL CON MÓNICA GARCÍA

2011-03-31T13:52:00.009+02:00

Na primeira quincena de abril a bailarina Mónica García ensaiará no noso espazo La velocidad de las cosas, unha produción apoiada polo Centro Coreográfico Galego, que estreará o vindeiro xuño na Sala Nasa.
Os días 4, 6, 8 e 15 de abril abrirá de 10.00 á 11:00 o seu adestramento sobre un traballo físico co que entrar ó material propio seguindo certas pautas.

Prezo das sesións: 40 euros / 5 prazas/ Info e inscripcións no 659.888.709

DANZA CLÁSICA - INICIACIÓN ADULTOS

2011-03-22T07:59:00.003+01:00

Luns e Mércores de 17.15 á 18.30 para maiores de 16 anos iniciados na danza clásica.

Berta Secall é Licenciada polo Conservatorio Superior de Danza “María Ávila” de Madrid na especialidade de Pedagoxía da Danza Clásica. Iniciou os seus estudos de danza clásica en el Institut del Teatre de Barcelona e no 1998 gañou unha bolsa para perfeccionarse no Centro Internacional de Danza de Madrid coa mestra Carmen Roche. Formouse tamén con Mirta Pla, Karemia Moreno, Rodolfo Castellanos, Orlando Salgado, Lázaro Carreño, Aurora Bosch, Jorge Christoff, Azari Plisetsky, María Blanco, Guillermina Coll, Gonzalo Zaragoza.
Foi parte do elenco de la compañía del Ballet Carmen Roche e traballou con coreógrafos como Ramón Oller, Tony Fabre, Alessandra Panzavolta, Ángel Rodríguez, Pascal Touzeau, Gustavo Ramírez e Goyo

Montero.

Comenzamos o luns 4 de abril

Grupos reducidos

Mesualidade: 60 euros

Matrícula no 659.888.709

PINA DE WENDERS

2011-02-16T21:19:00.003+01:00

Win Wenders presentou en Berlin o seu documental Pina sobre a figura da coreógrafa recentemente falecida. Unha obra na que os seus bailaríns dan voz a inmensa creadora da danza teatro. Tiveron que pasar 25 anos dende que Wenders e Bausch se coñeceron para que a tecnoloxía 3D posibilite a permanencia das obras coreográficas nunha dimensión nova que capta o espazo en profundidade algo esencial para poder ver a danza.

NUMERIDANSE.TV

2011-01-30T10:37:00.004+01:00

Numeridanse.tv é un proxecto asociado á videoteca da Maison de la Danse (Lyon) que ten como obxectivo desenvolver a cultura coreográfica en diferentes áreas (difusión, apoio á creación e pedagoxía) e para diferentes audiencias (público en xeral, profesionais e comunidade educativa). Dende o seu site acedemos a unha oferta libre de pezas coreográficas, filmes de danza (documentales, ficción...), entrevistas con importantes coreógrafos e propostas didácticas con recoñecidos profesores. Na primeira entrega: Mathilde Monnier, Viola Faber, Alwin Nikolaïs, Françoise Dupuy e moitos máis. Na imaxe un intre de Soapéra, unha colaboración entre o pintor Dominique Figarella e a coreógrafa Mathilde Monnier.

HORARIOS DENDE XANEIRO

2011-01-07T11:29:00.004+01:00

Luns:danza clásica de 15:00-17:00, flamenco de 18:30-20:00 e tango de 20:30-22:00

Martes: danza contemporánea de 20:30-22:00

Mércores: ioga de 21:00-22:00

Xoves: danza clásica de 15:00-17:00 e danza contemporánea de 20:30-22:00

Venres: danza oriental de 18:30-20:00

CURSO DE VOZ E MOVEMENTO

2010-12-01T11:28:00.004+01:00

O traballo da voz permite conectarse co mais profundo, co noso ser máis íntimo. O curso propón unha exploración da voz e a súa conexión ao corpo mediante improvisacións, cancións e texto. Grazas a exercicios de respiración e exercicios físicos, o actor/bailarin se re-atopa" e descobre tamén novos camiños de expresión. O traballo proposto utiliza técnicas precisas, como a de Roy Hart ou Grotowsky.

Imparte: Natalie Schaevers
10, 11 e 12 de decembro de 10:00h. á 15:00h.
Prezo: 80€ alumnos/as/60€ para colectivos colaboradores /20€ socios de Danesga
Inscripcións: info@danesga.org ata o 8 de deciembro de 2010
Prazas limitadas. Preferentes socios e socias Danesga.

IOGA CON CAROLA GARCÍA

2010-11-30T11:57:00.003+01:00

Programamos para o mércores 15 de decembro unha clase de proba de 19:00 á 20:30h. Carola García, mestra con quince anos de experiencia, presentaranos unha mostra do seu traballo que impartirá a partires de xaneiro no Laboratorio de Movementos.

Para quen: Para persoas que nunca practicaran ioga e tambén para practicantes experimentados. Será unha clase multinivel con opcions para todos os niveis.

Que faremos: Practicaremos posturas de ioga traballando os alineamentos do corpo, exercicios sinxelos de respiración e relaxación.

Por que facer yoga: As posturas de ioga ou asanas axúdannos a soltar tensions, a facernos máis conscientes do corpo deixando que a mente descanse y se renove.

Quen é a profesora: Carola García http://www.yogacarola.blogspot.com/

Confirmar asistencia antes do 13 de decembro no 659.888.709 . Prazas reducidas.

MATERIAIS PARA AS CLASES DE INICIACIÓN Á DANZA CONTEMPORÁNEA

2010-11-18T12:03:00.005+01:00

Como apoio teórico ás clases de iniciación á danza podedes consultar este link que recolle información básica e sintetizada sobre a danza contemporánea, e tamén relacionar esta información cos seguintes vídeos de cinco coreógrafos indiscutibles (primeira e segunda xeración) como son Mary Wigman, Martha Graham, Doris Humprey, Merce Cunningham e José Limón.

Despois de entrar na posmodernidade con Cunningham, atopamos tres discursos coreográficos esenciais para a escena contemporánea como a danza-teatro de Pina Bausch (1940-2009), a poética acuática de Carolyn Carlson (1943) e o minimalismo matemático de Anne Theresa de Keersmaeker (1960). A produción coreográfica destas tres coreógrafas marcou a danza de fin de século e son figuras imprescindibles para entender o panorama actual das artes do movemento.

Volvendo á gran aportación dos coreógrafos fundamentais como Martha Graham, Doris Humprey, José Limón e Merce Cunningham -todos eles constructores de diversas técnicas para interpretar as súas coreografías- os novos coreógrafos seguiron investigando e atoparon outras posibilidades cinguidas a novas formas de expresión a través do movemento. Xurdiron entón o contact improvisacion, o release, o body mind centering e o flying low.Estes novos vocabularios posibilitaron unha gran diversidade dancística, ampliaron as fronteiras canonizadas polas fortes aportacións da primeira e segunda xeración e posibilitaron unha nova liberdade expresiva a través do movemento para contar a realidade de fin de século.

CURSO DE SUZUKI EN NOVEMBRO

2010-11-07T13:00:00.006+01:00

Programamos para os días 20 e 21 de novembro o segundo curso de Suzuki no Laboratorio. Este adestramento xaponés é un traballo corporal moi forte e dinámico que implica conxuntamente o corpo, a respiración, o texto e a imaxinación. Nas sesións lograremos activar ó máximo de enerxía para logo conseguir una profunda relaxación. Este curso oriéntase a estudiantes e profesionais da escena.

Imparte: Petra Hofmann licenciouse en teatro na Escola Superior de Arte Dramático de Munich. Traballou en teatros estatais e independentes en Alemaña. Logo formouse en técnicas de traballo físico para actores como o QiGong, TaiChi, Suzuki e Método Talmi que imparte dende o ano 2005.

Sábado 20 de 10:00 á 14:00 e de 17.00 á 20.00h e domingo de 10:00 á 14:00.

Matrícula: 60 euros

Inscricións no 650.657.229 / 659.888.709

CURSO REGULAR DE INICIACIÓN AO COMPÁS E BAILE FLAMENCO

2010-11-02T09:40:00.006+01:00

Foto: M. Azibou

Horario: Todos os luns de 18:30-20:00

Prezo mensual: 35€

Comezo o 8 de novembro

LAMENTATION

2010-10-29T10:55:00.005+02:00

Unha imaxe da fotógrafa norteamericana Bárbara Morgan de Martha Graham na súa obra Lamentation (1930), un fito da danza moderna que podeses ver neste vídeo comentado pola propia coreógrafa.

FRANÇOIS KOLLAR

2010-10-26T13:36:00.002+02:00

Unha imaxe dos Ballets de Montecarlo de François Kollar (1937)

DANZA CONTEMPORÁNEA EN NOVEMBRO

2010-10-23T14:44:00.006+02:00

A teatralidade na danza e a dramaturxia na escena son as bases recoñecibles do traballo da coreógrafa e bailarina Kirenia Martínez. Todos os martes e xoves de 11:30 á 13:30 contactaremos co movemento como recurso dramático e investigaremos tamén sobre a improvisación e o contacto. Este curso oriéntase a iniciados na danza, no teatro e no circo.

Imparte: Kirenia Martínez é bailarina,actriz e coreógrafa. Formouse na Escola Nacional de Arte de La Habana. Participou en numerosos proxectos e festivais internacionais. Integrante da Cía. Entremáns, foi bailarina de Danza Teatro Retazos (Cuba) e do Centro Coreográfico Galego para o que dirixiu Kyra, un proceso de investigación coreográfica que pechou a tempada 2009.
Podedes ver un ensaio da súa próxima peza Blondy´s Coffe neste vídeo.

Mensualidade: 80 euros
Matrícula ata o 31 de outubro no 659.888.709

INICIACIÓN AO COMPÁS E BAILE FLAMENCO

2010-10-08T17:12:00.002+02:00

O flamenco é unha modalidade de baile na que os movementos de pés, mans e brazos son moi precisos aínda que os bailaores e bailaoras improvisen dentro dunha estructura. Neste curso intensivo contactaremos cos diferentes “palos” e traballaremos o compás, a colocación, a coordinación de brazos e pernas e a técnica de pés.

Arantza Villar é actriz e traballa habitualmente coas compañías Nut Teatro e Chévere Producións. Realizou formación regular de baile flamenco na Escola de Danza El Taller a cargo da bailaora Beatriz Gamborino e recibiu varios cursos intensivos cos bailaores sevillanos Carlos Robles e Marco Vargas.

23 e 24 de outubro de 10:00 á 14:00h.

60 euros

Matrícula no 659.888.709

CLASES DE DANZA ORIENTAL

2010-10-07T16:03:00.005+02:00

Todos os luns de 18:30 á 20:00 de nivel intermedio e

os venres de 18:30 á 20:00 de iniciación con Mariana Vieira

Mensualidade: 35 euros

SEMANA ABERTA DO 4 Ó 8 DE OUTUBRO

2010-09-22T10:51:00.005+02:00

Invitámosche a coñecer de forma práctica e gratuita as actividades do curso 2010-2011. Un primeiro contacto cos distintos traballos que programamos no Laboratorio de Movementos axudarache a elexir o que máis che interese.

As prazas son limitadas polo que podes reservar praza no 659.888.709. A admisión realizarase por orde de chegada.

BALLET AVANZADO LUNS 4 16:30 h.

BALLET INTERMEDIO LUNS 4 18:30 h.

IOGA IYENGAR MARTES 5 19:00 h.

DANZA CONTEMPORÁNEA MARTES 5 20:30 h.

IOGA MÉRCORES MÉRCORES 6 21:00 h.

DANZA CONTEMPORÁNEA XOVES 7 20:30 h.

DANZA ORIENTAL VENRES 8 18:30 h.

DANZA CLÁSICA CON BERTA SECALL

2010-09-16T11:17:00.005+02:00

Luns e Mércores de 16:30 á 18.00 para estudiantes e profesionais das artes do movemento

Montero.

Comenzamos o 4 de outubro

Grupos reducidos

Mesualidade: 70 euros

Matrícula no 659.888.709

DANZA CONTEMPORÁNEA 2010-2011

2010-09-11T20:19:00.009+02:00

-INICIACIÓN

Todos os martes e xoves de 20:30 á 22:00 comezaremos cun quecemento que asegure o corpo para contactar co movemento. Os obxectivos deste curso regular serán flexibilizar, fortalecer e conseguir un corpo resistente para experimentar coa improvisación e coa creación coreográfica.

Imparte: Branca Novoneyra é bailarina. DEA pola Universidade de Belas Artes de Granada. Escribe para diferentes revistas especializadas sobre historia e poética da danza. Dende o 2002 colabora con poetas, músicos e vídeoartistas en proxectos interdisciplinares. No 2009 publica Dentro do Labirinto (Espiral Maior) que percorre na súa última peza Game Over.

-AVANZADO

Imparte: Kirenia Martínez é bailarina e actriz. Formouse na Escola Nacional de Arte de La Habana. Participou en numerosos proxectos e festivais internacionais. Integrante da Cía. Entremáns, foi bailarina de Danza Teatro Retazos (Cuba) e do Centro Coreográfico Galego para o que dirixiu Kyra, un proceso de investigación coreográfica que pechou a tempada 2009.

Comezamos o martes 5 de outubro.

Mensualidades: 65 euros iniciación /80 euros avanzado.

Grupos reducidos.

Matrículas no 659.888.709

CLASES DE TANGO

2010-09-06T11:39:00.002+02:00

Dende o 13 de setembro, os luns de 20:30 á 22:00 Tango con Marco González

DANZA CLÁSICA E CONTEMPORÁNEA PARA AVANZADOS

2010-09-02T15:52:00.004+02:00

Dende o 4 de outubro comenzamos os cursos regulares orientados á estudiantes e profesionais das artes do movemento. A proposta consiste nunha formación regular en danza contemporánea e clásica con Kirenia Martínez e Berta Secall.

- Luns e Mércores de 16:30 á 18.00: CLÁSICO con Berta Secall. Licenciada polo Conservatorio Superior de Danza “María Ávila” de Madrid na especialidade de Pedagoxía da Danza Clásica. Iniciou os seus estudos de danza clásica en el Institut del Teatre de Barcelona e no 1998 gañou unha bolsa para perfeccionarse no Centro Internacional de Danza de Madrid coa mestra Carmen Roche. Formouse tamén con Mirta Pla, Karemia Moreno, Rodolfo Castellanos, Orlando Salgado, Lázaro Carreño, Aurora Bosch, Jorge Christoff, Azari Plisetsky, María Blanco, Guillermina Coll, Gonzalo Zaragoza. Foi parte do elenco de la compañía del Ballet Carmen Roche e traballou con coreógrafos como Ramón Oller, Tony Fabre, Alessandra Panzavolta, Ángel Rodríguez, Pascal Touzeau, Gustavo Ramírez e Goyo Montero.

Mesualidade: 70 euros

- Martes e Xoves de 11:30 á 13:30: CONTEMPORÁNEO con Kirenia Martínez. Bailarina e actriz. Formouse na Escola Nacional de Arte de La Habana. Participou en numerosos proxectos e festivais internacionais. Integrante da Cía. Entremáns, foi bailarina de Danza Teatro Retazos (Cuba) e do Centro Coreográfico Galego para o que dirixiu Kyra, un proceso de investigación coreográfica que pechou a tempada 2009.
Podedes ver unha mostra das clases que impartiu no Laboratorio neste vídeo.

Mesualidade: 80 euros

Número mínimo de prazas 5 e un máximo de 8 por orde de inscripción no 659.888.709.

NOVOS CURSOS

2010-08-23T18:28:00.005+02:00

TANGO todos os luns de 20.30 á 22:00 dende o 13 de setembro con Marco González

DANZA CLÁSICA todos os luns e mércores de 16:30 á 18:00 (para estudantes e profesionais das artes do movemento) e de 18:45 á 20:15 (nivel baixo-medio) dende o 4 de outubro con Berta Secall

IOGA IYENGAR todos os martes e xoves de 19:00 á 20:00 con Mavi Oliva dende o 5 de outubro

DANZA CONTEMPORÁNEA todos os martes e xoves de 11:30 á 13:00 (para estudantes e profesionais das artes do movemento) con Kirenia Martínez e 20:30 á 22:00 (nivel iniciación) con Branca Novoneyra

IOGA todos os mércores de 21:00 á 22:30 con Sagra Quintela dende o 6 de outubro

DANZA ORIENTAL todos os martes de 17:00 á 18:30 (nivel intermedio) e os venres de 18:30 á 20:00 (nivel iniciación) con Mariana Vieira Basso dende o 8 de outubro

INSCRIPCIÓNS ABERTAS NO TLF: 659.888.709

CURSO DE VERÁN: TEATRO DE MOVEMENTO CON GONÇALO GUERREIRO

2010-08-03T16:48:00.007+02:00

O primeiro nivel do traballo de expresión é levar o corpo a integrarse no espazo e a reencontrar a súa plasticidade. Trátase dun recoñecemento do corpo con el mesmo no seu dinamismo e na súa riqueza de movementos.
O segundo nivel refírese á identificación. O corpo humano é capaz de imitar absolutamente todo o que existe na natureza. Por “imitar” enténdase “transformarse en”, “ser”. De tal forma que o espectador, a través da suxestión do actor, non vexa o seu corpo, senón a auga, o vento, un bosque ou unha montaña. O corpo humano en movemento é mesmo capaz de chegar a suxerir un son, unha cor ou unha materia.
O terceiro nivel dedícase á transformación. Quere dicir que as calidades dinámicas da auga, do vento, dunha cor ou dunha materia son transformables nun personaxe humano con esas mesmas características. Como camiña un personaxe “terra”? Como fala un personaxe “lume”? Como xesticula un personaxe “chicle”?

Este curso intensivo impartirase entre o 6 ó 9 de setembro de 19:00 á 21:30h no Laboratorio de Movementos. A matrícula formalizarase chamando ó 659.888.709 e ingresando 70 euros por conta bancaria. O número máximo de alumnos será 8.

Gonçalo Guerreiro (Lisboa, 1974). Rematou a formación de actores na Escola Superior de Teatro e Cinema de Lisboa despois de pasar pola Real Escuela Superior de Arte Dramático de Madrid como bolseiro. Traballou como actor nas compañías portuguesas A Barraca e Teatro do Montemuro. Dirixiu espectáculos do Teatro Escondido, da Compagnie Imagerie e da Compagnie Blablablah na Bélxica. É diplomado pola École Lassaad, en Bruxelas onde herdou a pedagoxía de Jacques Lecoq do Teatro de Movemento. Estudou Commedia dell’Arte con Antonio Fava en Italia e Antropoloxía Teatral con Eugenio Barba na Polonia, Dinamarca e Portugal. Xa en Galicia exerce a súa actividade pedagóxica en Manicómicos, na Aula de Teatro da Universidade da Coruña, na Escola Municipal de Teatro de Narón e na Escola Santart. Gonçalo Guerreiro é actor e co-director do Elefante Elegante (http://www.elefanteelegante.net/).

ASÍ SE BAILA O TANGO

2010-07-28T10:23:00.005+02:00

Podedes leer a reportaxe Así se baila el tango en Madrid de Fernanda Muslera na revista digital fronterad. A foto é de Horacio Villalobos.

SUSANNE LINKE

2010-07-16T20:08:00.004+02:00

Na liña expresionista de Mary Wigman e Dore Hoyer, Susanne Linke entende a creación só dende o tremor e constrúe unha danza que implica a máxima autoesixencia técnica e emocional. A súa é unha danza do risco, cun toque de perigro, de morte, xa que "sen morte non pode haber felicidade". Podedes ver neste link un anaco da súa peza Transfiguración (1976).

MAGGIE TAYLOR

2010-07-03T20:12:00.009+02:00

Sorrounded (Cercada) é un traballo da fotógrafa e artista dixial Maggie Taylor: Unha bailarina de ballet rodeada de ratóns bailaríns e espectadores dun solo nunha onírica campiña.

As súas imaxes de perturbadoras personaxes conteñen contos que dirixe ás capas perdidas do noso inconsciente, sempre tan profundamente durmido.

DANCERS IN PARADISE

2010-06-27T13:25:00.007+02:00

Dancers in Paradise é un retablo pagán no que o fotógrafo Jan Saudek recórdanos a O Bosco, cinguindo o pracer e a morte nos corpos do Paraíso perdido.

CURSO DE VERÁN: CREACIÓN E INTERPRETACIÓN COREOGRÁFICA

2010-06-07T21:25:00.006+02:00

Este curso de verán orientado a estudantes e profesionais das artes do movemento xirará arredor das seguintes pautas:

- Percorrido e historia do movemento como resorte da escena.

- O núcleo onde atopamos as sementes da imaxinación creadora. O camiño cara as seguintes capas.

- A evolución do movemento cara a súa interpretación. A construcción de texturas cara o movemento dramático.

- A investigación coreográfica a partires da creación colectiva. A improvisación e as pautas coreográficas.

Imparte: Kirenia Martínez, bailarina e coreógrafa formada na Escola Superior de Arte de La Habana, é cofundadora da Cía. Entremáns e ven de dirixir Kyra do CCG. Podedes vela na súa peza A medio metro de lo vivido.

do 5 ó 9 de xullo de 11:30 á 14:00

6 prazas por orde de inscripción no 659.888.709

Matrícula 90 euros

LOUISE LECAVALIER

2010-06-05T20:00:00.008+02:00

Dela díxose que era a bailarina máis brillante e tráxica da danza contemporánea. Louise Lecavalier traballou durante case dúas décadas con Eduard Lock no revolucionario proxecto La la la Human Steps que cambiou para sempre o vocabulario do movemento da danza de fin de século. Hoxe colabora con múltiples coreógrafos e -con eles- mudou o seu inesquecible movemento dramático.

Quizais a mellor intérprete dos anos oitenta: unha máquina pasional... Recordemos o seu traballo en de Human Sex coreografiada por Lock no 1985.

EL MAR DE ÁNGELS MARGARIT

2010-05-23T10:55:00.006+02:00

Esta peza do ano 1989 segue a ser unha referencia na videodanza española. Ángels Margarit e o músico Agustí Fernandez construiron El mar: 3 minutos nos que atopamos a sólida base da linguaxe libre, intensa e vital dunha das coreógrafas esenciais. Sen ela sería imposible entender os inicios da danza contemporánea en España.
Nos 25 anos que leva traballando coa súa compañía Mudances desenvolveu unha intensa relación con outras artes colaborando, entre outras con videoartístas como Nuria Font.

TALLER DE MOVEMENTO E GESTALT

2010-05-06T09:51:00.009+02:00

Dende as múltiples posibilidades do movemento e a partires de pautas concretas, exploraremos diferentes áreas como: o corpo interior, o corpo exterior, accións cotiáns, partes do corpo, contacto e soedade ...

Descubriremos automatismos, rixideces e desbloquearemos partes corporais fixadas ou esquecidas. Atoparemos novas formas de relacionarnos con nós mesmos e cos demáis experimentando e disfrutando co corpo en movemento.

Gelu Ramos Vázquez é Licenciada en Socioloxía na especialidade de Psicoloxía Social. Psicoterapeuta Guestáltica con formación en danza contemporánea e en técnicas de traballo corporal. Dedícase a psicoterapia individual e ó traballo grupal arredor do movemento, a creatividade e o crecemento persoal.

O taller consiste en 2 sesións de 4 horas cada unha o 29 de maio e o 19 de xuño de 10:00 á 14:00h.

Máis info no: 677.472.446 ou no gelu.ramos.vazquez@gmail.com

MICHÉLE NOIRET

2010-05-02T17:51:00.004+02:00

Michéle Noiret é unha coreógrafa belga posuidora dunha destilada escritura poética. Atopamos un alto contido simbólico nas súas pezas que a ela lle gusta definir como danza-cine. Interesada pola construcción profunda do ser a través do movemento e a imaxe, guiase polo incansable descubrimento de abstractos e intensos mundos interiores. Neste link podemos ver unha ampla mostra da súa creación coreográfica.

DANESGA DENUNCIA O ABANDONO DO SECTOR POR PARTE DO AGADIC

2010-05-01T17:40:00.004+02:00

O 29 de abril DANESGA (Asociación Danza Escénica Galega) denunciou a situación do sector da danza en Galicia que dende fai un ano carece dun plan de viabilidade. A situación de incompresión e falla de interese por parte da Consellería de Cultura e do AGADIC é o motivo polo que numerosos profesionais pediron - cos pes enterrados - a dimisión do seu máximo responsable e unha entrevista urxente co conselleiro de Cultura. O obxectivo é buscar unha saída á grave situación dos profesionais das artes do movemento na nosa comunidade.

Podedes leer e firmar o manifesto neste link: http://www.danesga.org/

CLASES CON KIRENIA MARTÍNEZ

2010-04-06T17:00:00.005+02:00

Neste vídeo podedes ver unha pequena mostra do traballo regular que imparte Kirenia Martínez no Laboratorio de Movementos todos os martes e mércores de 11:30 á 13:30.

DUNAS

2010-04-04T20:34:00.006+02:00

Sidi Larbi Cherkaoui e María Pagés buscan nunha viaxe ó deserto as fontes do movemento.

Un encontro auténtico no que nos amosan -neste vídeo- a natureza cambiante das dunas e a transformación constante do trazo que é a esencia deste traballo de dous virtuosos da danza contemporánea e do flamenco.

CLAUDIA FACI

2010-03-26T16:44:00.003+01:00

Claudia Faci indaga nos textos de Chantall Maillard expoñendo un espido e fraxil exercicio de supervivencia . A propia autora e algúns amigos presentan a proposta Agnés neste vídeo . Poderemos vela o xoves 29 de abril no Pazo de Cultura de Narón. Tamén impartirá un monográfico (26-30 de abril) titulado A lei do desexo organizado polo Padroado de Cultura do Concello de Narón. Para máis info contactar con crismongar@yahoo.es

GAME OVER VÍDEO

2010-03-17T19:13:00.003+01:00

Un intre de GAME OVER que podedes ver íntegramente neste vídeo. A peza de Branca Novoneyra está dirixida e coreografiada por Kirenia Martínez, a música orixinal é do colectivo Sulxeitos e o vestiario da deseñadora Nieves Sierra.

GAME OVER é un percorrido polo poemario Dentro do Labirinto (Espiral Maior, 2009) que se presentou na Galería SCQ en Santiago de Compostela.

Neste vídeo veredes o poemario ou leeredes a peza de danza.

JAN SAUDEK

2010-03-07T18:13:00.005+01:00

Ballerina é unha imaxe do inquietante fotógrafo checo Jan Saudek . Sempre obsesionado polo corpo e as súas mutacións, pola a beleza máis sádica e siniestra, por un erotismo cru e tamén pola perda dos seus coloreados soños infantís.

BEGOÑA BAH

2010-02-22T13:59:00.007+01:00

Begoña Bah capturou este intre do solo GAME OVER da Cia. Branca Novoneyra durante a presentación do libro Dentro do Labirinto editado por Espiral Maior. A fotógrafa coruñesa, moi interesada no movemento e na danza, recolle o traballo de compañías como Entremáns ou festivais como o Empape. Podedes visitar esta e outras fotos no seu flickr.

SHANTALA SHIVALINGAPPA

2010-02-15T20:15:00.002+01:00

Shantala Shivalingappa é unha bailarina de Madras que une o Kuchipudi co impacto que lle produciu a linguaxe coreográfica da alemana Pina Bausch. Neste intenso e elegante SOLO de imaxes trazadas cos brazos concentra toda a experiencia da súa colaboración en Nefés ou Bamboo Blues.

IOGA - ESTILO IYENGAR

2010-02-10T16:17:00.004+01:00

En dúas sesións semanais aprenderemos posturas, exercicios de meditación e respiracións con efectos positivos no corpo, na mente e nas emocións.

Introduciremos temas de reflexión sobre a atención, o equilibrio, a dor, a extensión e a relaxación.

Revisaremos precisas indicacións chave dalgunhas posturas co obxectivo dunha práctica segura na túa casa.

Imparte: Mavi Oliva é Mestra de Ioga pola Fundación Herta Rogg. Estudou e Mexico e Filadelfia con mestres certificados no estilo INYENGAR Yoga dende o ano 2003. Na actualidade mantén a súa formación e práctica INYENGAR en Galicia.

Tódolos Martes e Xoves de 19:00 á 20:15h

no Laboratorio de Movementos na Rúa do Medio 15, baixo - Santiago de Compostela.

Máis info e inscripcións no 659.888.709

GAME OVER

2010-02-04T20:00:00.004+01:00

GAME OVER é unha peza na que a bailarina Branca Novoneyra, autora do libro Dentro do Labirinto publicado en Espiral Maior, traza un percorrido seguindo a orde dos poemas que o lector atopa na obra. A coreógrafa Kirenia Martínez dirixiu esta viaxe na que a escritora entra dentro do seu labirinto transformado nun videoxogo. Nel a intertextualidade entre danza e poesía chegan ó límite buscando unha saída.

DANZA PARA AVANZADOS

2010-01-30T15:06:00.006+01:00

A teatralidade na danza e a dramaturxia na escena son as bases estables do traballo da coreógrafa e bailarina Kirenia Martínez. Formada na Escola Superior de Arte de La Habana. É cofundadora da Cía. Entremáns, ven de dirixir Kyra, o derradeiro traballo do CCG. Podedes vela na súa peza A medio metro de lo vivido.

O movemento como recurso dramático e a investigación sobre o contacto e a improvisación son dúas das liñas que vertebran este curso orientado a profesionais e estudiantes avanzados das artes do movemento.

Tódolos martes e mércores de 11:30 á 13:00.

6 prazas por orde de inscripción no 659.888.709

Mensualidade:80 euros

YVONNE RAINER

2010-01-23T19:57:00.003+01:00

Yvonne Rainer, coreógrafa e cineasta americana, presentou en 1968 en Nova York a súa peza Trio A. A mente é un músculo. Con ela a danza transformouse nun modo de pensamento. Nisto Artaud tivera moito que ver definindo a palabra como o músculo da lingua, a respiración e o movemento das mandíbulas. Case vinte anos despois, Olga Mesa presenta EstO NO eS Mi CuerpO, unha peza que xurdiu dunha teima evidenciada pola creadora: “Descoñezo o que pensa o corpo e o que sinte o pensamento”.

NOVAS TÉCNICAS DE DANZA

2010-01-11T12:23:00.008+01:00

Despois da gran aportación de coreógrafos fundamentais como Martha Graham, Doris Humprey, José Limón e Merce Cunningham -todos eles constructores de diversas técnicas para interpretar as súas coreografías- os novos coreógrafos seguiron investigando e atoparon outras posibilidades cinguidas a novas formas de expresión a través do movemento. Xurdiron entón o contact improvisacion, o release, o body mind centering e o flying low.

Estes novos vocabularios posibilitaron unha gran diversidade dancística, ampliaron as fronteiras canonizadas polas fortes aportacións da primeira e segunda xeración e posibilitaron unha nova liberdade expresiva a través do movemento para contar a realidade de fin de século.

DANZA ORIENTAL EN XANEIRO

2010-01-09T16:40:00.005+01:00

Novos horarios nas clases de danza oriental

Luns de 17:00 á 18:30 h con Mariana Vieira Basso

Mércores de 21:15 á 22:30 h con Fran Rivero

no Laboratorio de Movementos na Rúa do Medio 15, baixo en Santiago

DANZA CONTEMPORÁNEA - MATERIAIS 2

2009-12-27T14:50:00.004+01:00

Despois de entrar na posmodernidade con Cunningham, atopamos tres discursos coreográficos esenciais para a escena contemporánea como a danza-teatro de Pina Bausch (1940-2009), a poética acuática de Carolyn Carlson (1943) e o minimalismo matemático de Anne Theresa de Keersmaeker (1960). A producción destas tres coreógrafas marcou a danza de fin de século e son imprescindibles para entender o panorama das artes do movemento na actualidade.

GAME OVER

2009-12-15T17:41:00.000+01:00

SUZUKI - CURSO INTENSIVO

2009-11-20T13:02:00.005+01:00

Programamos para os días 4, 5 e 6 de decembro o segundo curso de Suzuki en Galicia. Este adestramento xaponés é un traballo corporal moi forte e dinámico, implica conxuntamente o corpo, a respiración, o texto e a imaxinación.
En cada sesión lograremos activar ó máximo de enerxía para logo conseguir una profunda relaxación. Este curso oriéntase a estudiantes e profesionais da escena.
O día 6 de decembro ás 19:00 programamos una sesión aberta para que todos os interesados coñezades este novo traballo corporal para estudiantes e profesionais das artes do movemento.

Imparte: Petra Hofmann licenciouse en teatro na Escola Superior de Arte Dramático de Munich. Traballou en teatros estatais e independentes en Alemaña. Logo formouse en técnicas de traballo físico para actores como o QiGong, TaiChi, Suzuki e Método Talmi que imparte dende o ano 2005. www.cositadeoro.com

Venres 4: 17:00 á 20:00 e
Sábado 5 e 6 domingo: 11:00 á 14:00 e de 17.00 á 20.00

Matrícula: 80 euros
Espacio: Laboratorio de Movementos en Santiago de Compostela
Inscricións no laboratoriodemovementos@yahoo.es e no 659.888.709

DANZA DO VENTRE - NIVEL ABERTO

2009-11-17T18:32:00.004+01:00

Comezaremos cunha posta a punto da nosa principal ferramenta de traballo: o noso corpo.Traballaremos a respiración e os estiramentos. Logo asimilaremos pautas de movemento, pasos e ritmos, trasladándoas á coreografías e mellorando a nosa capacidade de improvisación. Tamén aprenderemos a relaxarnos.

Fran Rivero é actor e bailarín. Formouse en interpretación e dramaturxia en Espacio Aberto (Santiago de Compostela) e na Casa Encendida e na Casa de América (Madrid). Estudou danza contemporánea e expresión corporal con Julie Dossavi, Dominik Boruki, Carlos Fernandez, Xavier Marqueríe, Olga Mesa e Carlos Neira; butho con Katsura Kan e Wendell Wells en Madrid e danza do ventre con Nidal Josaini.

Tódolos mércores de 21:15 á 22:30h.
Inicio das clases o mércores 2 de decembro

Máis info: 659.888.709

A DANZA CONTEMPORÁNEA - MATERIAIS TEÓRICOS 1

2009-11-09T11:34:00.004+01:00

Como apoio teórico ás clases de danza podedes consultar este link que recolle información básica e sintetizada sobre a danza contemporánea. Tamén relacionar esta información cos seguintes vídeos de cinco coreógrafos/as indiscutibles (primeira e segunda xeración) como son Mary Wigman, Martha Graham, Doris Humprey, Merce Cunningham e José Limón.

MANIFESTO POLA CONTINUIDADE DO CENTRO COREOGRÁFICO GALEGO

2009-10-29T11:03:00.002+01:00

Asina aquí pola continuidade do Centro Coreográfico Galego

DANZA CONTEMPORÁNEA PARA AVANZADOS

2009-10-08T16:41:00.006+02:00

A teatralidade na danza e a dramaturxia na escena son as bases recoñecibles do traballo da coreógrafa e bailarina Kirenia Martínez. Dende o Laboratorio de Movementos programamos dúas sesións semanais nas que contactaremos co movemento como recurso dramático e investigaremos tamén sobre a improvisación e o contacto. Este curso oriéntase a profesionais e estudantes da danza, do teatro e do circo.

Kirenia Martinez é coreógrafa, bailarina e actriz. Formouse na Escola Superior de Arte de La Habana e participou e numerosos proxectos e festivais de carácter internacional. Integrante da Cía. Entremáns, foi tamén bailarina do Centro Coreográfico Galego para Vacuo e o Kiosco das Almas Perdidas. Ven de dirixir Kyra, o proceso de investigación coreográfica que pechou a última tempada do Centro. Podedes vela na súa peza A medio metro de lo vivido

Tódolos martes e mércores de 11:30 á 13:30
Inicio do curso o 3 de novembro
6 prazas por orde de inscripción no 659.888.709
Mensualidade: 80 euros

Mensualidade: 80 euros

CLASES ABERTAS E GRATUÍTAS / SEMANA ABERTA

2009-09-20T16:30:00.006+02:00

Do 1 ó 6 de outubro poderás coñecer de maneira práctica e gratuíta as actividades do curso 2009-2010. É un primeiro contacto cos traballos que programamos no Laboratorio de Movementos para que elixas o que máis che interesa.

DANZA CONTEMPORÁNEA: Xoves 1 ás 20:30

TANGO: Luns 5 ás 20:30

IOGA: Luns 5 ás 19:00

DANZA PARA NENOS/AS: Martes 6 ás 18:30

TAICHI: Martes 6 ás 17:00

Para reservar praza nas clases abertas tes que chamar ó 659.888.709 ou enviarnos un correo electrónico ó laboratoriodemovementos@yahoo.es

Tódolas sesións impartiránse no Laboratorio de Movementos na Rúa do Medio 15 baixo en Santiago de Compostela.

TAICHI - CURSO REGULAR

2009-09-18T20:08:00.016+02:00

O QiGong, que significa traballo coa enerxía, é a base onde atopamos ó TaiChi. Neste curso prepararémonos con exercicios de QiGong para comprender como funciona o TaiChi; beneficiándonos deste “baile a cámara lenta”. Tódolos xoves de 17:00 á 18:30 practicaremos o TaiChi (estilo Yang) mellorando a nosa saúde e combatendo o stress. Estas sesións orientámolas a practicantes de disciplinas corporais que queren conseguir un dominio da forma para logo poder practicala autónomamente.

Petra Hofmann licenciouse en teatro na Escola Superior de Arte Dramático de Munich. Traballou en teatros estatais e independentes e acadou o seu certificado profesional na Federación Alemana de QiGong e TaiChi. Tamén formouse en técnicas de traballo físico para actores como o Suzuki e estudou Método Talmi. Atoparedes máis información sobre o seu traballo no: www.cositadeoro.com

Mesualidade: 30 euros
Espazo: Laboratorio de Movementos na Rúa do Medio 15, baixo en Santiago de Compostela

CLASE ABERTA O XOVES 29 DE OUTUBRO ÁS 17:00

DANZA CONTEMPORÁNEA - NIVEL ABERTO

2009-09-16T20:58:00.009+02:00

Tódolos martes e xoves de 20:30 á 22:00 comenzaremos cun quecemento básico que asegure o corpo para contactar con diferentes técnicas de danza. Os obxectivos deste curso regular serán flexibilizar, fortalecer e conseguir un corpo resistente para experimentar co traballo de improvisación e coa creación coreográfica.

Imparte Branca Novoneyra
http://www.brancanovoneyra.com/
http://www.myspace.com/brancanovoneyra

Mesualidade: 65 euros